Праграмы і мерапрыемствы за 2007 год

Пры падтрымцы Амбасады ЗША ў Беларусь прыязджае амерыканскі піяніст Джон Рабілеці

Амбасада ЗША рада абвясціць аб візіце ў Беларусь сусветна вядомага класічнага піяніста Джона Рабілеці. 24 красавіка ў межах міжнароднага музычнага фестывалю “Мінская вясна” сп. Рабілеці выступіць з канцэртам у вялікай зале Белдзяржфілармоніі па адрасе: Мінск, праспект Незалежнасці 50. Пачатак у 19:00. У праграму ўключаны творы Шумана, Бетховена, Падзярэўскага, Шапэна і Сэн-Санса. Падчас свайго знаходжання ў Беларусі сп. Рабілеці правядзе таксама майстар-класы і канцэрт у музычнай школе горада Маладзечна.

Джон Рабілеці пабываў з гастролямі больш чым у дваццаці краінах Еўропы, Лацінскай Амерыкі і Карыбскага басейна, выступаючы ў буйнейшых залах свету. Ён запісаў кампакт-дыскі сваіх канцэртаў з аркестрам Санкт-Пецярбургскай філармоніі, расійскім нацыянальным сімфанічным аркестрам і аркестрам Новай сафійскай філармоніі. На працягу многіх гадоў сп. Рабілеці ўдзельнічае ў праграмах культурнага абмену і народнай дыпламатыі, з’яўляючыся стваральнікам і дырэктарам праграмы ўрада ЗША “Мастацкія амбасадары” і дырэктарам Міжнароднай музычнай ініцыятывы.