Праграмы і мерапрыемствы за 2008 год

Амбасада ЗША арганізавала фестываль класічных галівудскіх фільмаў

Больш за 2000 беларускіх гледачоў наведалі паказы амерыканскіх фільмаў, што праходзілі ў межах Трэцяга фестывалю галівудскай класікі, наладжанага амбасадай ЗША сумесна з мінскім кінатэатрам “Перамога” і асацыяцыяй “Кінаклуб”. Сусветна вядомыя амерыканскія фільмы дэманстраваліся на мове арыгінала з рускімі субтытрамі. Адкрываючы фестываль, часовы павераны ў справах ЗША ў Рэспубліцы Беларусь Джонатан Мур падкрэсліў, што “галівудская класіка  - гэта не толькі акно ў свет кінамастацтва, але і наогул да ўсёй Амерыкі”. Традыцыя правядзення фестываляў галівудскай класікі бярэ пачатак з ліпеня 2003 года. Сёлетняя фестывальная праграма ўключала ў сябе чатыры галівудскіх фільма: “Лепшыя гады нашага жыцця”, “12 раз’юшаных мужчын”, “Вестсайдская гісторыя” і “Спякотнай ноччу”. Некаторыя з гэтых фільмаў ужо добра вядомыя гледачам, а некаторыя ўпершыню дэманстраваліся на беларускіх экранах.