Прэс-рэлізы за 2007 год

Амбасадар Сцюарт ушаноўвае памяць ахвяраў сталінскіх рэпрэсій у Курапатах

Амбасадар Сцюарт (злева) і амбасадары краін Еўразвяза падчас наведвання Курапатаў

2 лістапада амбасадар ЗША Карэн Сцюарт і кіраўнікі дыпламатычных місій краін Еўразвяза наведалі Курапаты, каб узяць удзел у цырымоніі ўшанавання памяці дзесяткаў тысяч беларусаў, якія сталі ахвярамі сталінскіх чыстак і рэпрэсій. Цырымонія праводзілася ў час беларускага свята памінання продкаў Дзяды. Амбасадар Сцюарт усклала кветкі да адноўленай мемарыяльнай лаўкі, падараванай Прэзідэнтам Уільямам Клінтанам у 1994 годзе ў знак сяброўства паміж беларускім і амерыканскім народамі і ў памяць аб бязвінных ахвярах рэпрэсій.