Прамовы і выступленні

Каментар амбасадара Карэн Сцюарт з нагоды суда над Зміцерам Дашкевічам

Мінск, 31 кастрычніка 2006 г.

“... Я далучаюся да маіх еўрапейскіх калег, якія надаюць вялікае значэнне назіранню за сітуацыяй з правамі чалавека ў Беларусі. Мы адчуваем неабходнасць прысутнічаць на такіх судах, як гэты, каб паназіраць за выкананнем юрыдычных працэдур і прадэманстраваць  занепакоенасць, якая па-ранейшаму існуе ў міжнароднага супольніцтва наконт абароны правоў чалавека ў гэтай краіне.”

“Свабодны і справядлівы суд – гэта адно з асноўных правоў. Яно з’яўляецца істотным для абароны ўсіх грамадзян ва ўсіх краінах. Я шчыра спадзяюся, што гэты суд будзе адкрытым. Я не бачу ніякіх прычын, каб ён не быў адкрытым для сям’і і грамадзскасці, і Злучаныя Штаты і ўся міжнародная супольнасць абавязкова будуць сачыць за тым, што адбываецца на такіх судах, як гэты. Нас непакоіць, што ў некаторых выпадках абвінавачанні могуць насіць  палітычны характар. Мы спадзяемся, што размова не ідзе аб спробах запалохвання тых дзеячоў, якія жадаюць лепшага сваёй краіне.”