Прэс-рэлізы за 2006 год

Заява амбасады ЗША з нагоды нацыянальнага свята Беларусі (3 ліпеня 2006 г.)

Ад імя амерыканскага народа Амбасада ЗША шчыра віншуе народ Беларусі з нацыянальным  святам 3 ліпеня. Народ Злучаных Штатаў паважае і шануе беларусаў за мужнасць і сілу духа, праяўленыя падчас жудасных ваенных выпрабаванняў, акупацыі, катастроф і рэпрэсій, што выпадалі на долю гэтага  народа на працягу яго доўгай гісторыі. Як і шэсць дзесяцігоддзяў таму, у час змагання супраць фашызму, вызваленне ад якога Беларусь адзначае 3 ліпеня, сёння амерыканскі народ таксама стаіць плячо ў плячо з беларускім, падтрымліваючы суверэнітэт і незалежнасць Беларусі, а таксама імкненне яе народа жыць у свабоднай, дэмакратычнай, мірнай і квітнеючай краіне.