ЗША працягнулі частковае прыпыненне санкцый

13 лістапада аддзел кантролю замежных актываў Мiнiстэрства фiнансаў ЗША падоўжыў часовы мараторый на санкцыі ЗША ў дачыненні дзвюх кампаній: “Полацк-Шкловалакно” і “Лакакраска”. Астатнія санкцыі, упершыню ўведзеныя ў 2006 годзе, працягваюць дзейнічаць.

Санкцыі ЗША непасрэдна звязаныя з сітуацыяй з правамі чалавека і дэмакратыяй у Беларусі. ЗША ўвялі гэта частковае прыпыненне санкцый у адказ на першыя пазітыўныя крокі з боку Беларусі год таму. Аднак поўная адмена санкцый магчымая толькі пасля канкрэтных паляпшэнняў сітуацыі з правамі чалавека і дэмакратыяй у Беларусі. Злучаныя Штаты Амерыкі спадзяюцца на ажыццяўленне дадатковых крокаў з боку Урада Рэспублікі Беларусь у гэтых важных галінах.

Больш дэталёвую інфармацыю пра мараторый і санкцыі можна знайсці ў інтэрнеце.

Амерыканскі віртуоз слайд-гітары выступіў на фестывалі «Мінск блюз 2009»

Знакаміты слайд-гітарыст з Луізіаны Соні Ландрэт разам са сваёй групай выступіў на штогадовым міжнародным фестывалі «Мінск блюз 2009». Канцэрт гурта адбыўся пры падтрымцы амбасады ЗША і атрымаў усхваленне з боку як аматараў блюза, так і музыкальных крытыкаў, якія ўжо даўно чакалі выступленне таленавітага амерыканскага музыканта на адной сцэне разам з беларускімі маладымі і добра вядомымі артыстамі.  

Акрамя канцэрту на фестывалі, Соні Ландрэт таксама правёў майстар-клас у Дзяржаўнай Акадэміі музыкі. Падчас семінару амерыканскі музыкант прадэманстраваў некаторыя асаблівасці ігры на слайд-гітары, а таксама пагутарыў аб гісторыі і філасофіі блюза. Ён таксама адказаў на пытанні слухачоў і падпісаў аўтографы як студэнтам, так і некаторым вядомым беларускім блюзавым музыкантам, якія таксама прысутнічалі ў аўдыторыі.

Амбасада ЗША абвяшчае прыём заявак на праграму
“Пасольскі фонд захавання культурнай спадчыны”

19 кастрычніка 2009 года

Амбасада Злучаных Штатаў Амерыкі ў Беларусі прымае заяўкі на гранты “Пасольскага фонду захавання культурнай спадчыны”.  Гэтая прэстыжная праграма ўрада ЗША з 2001 года прадастаўляе фінансавую падтрымку праектам па ахове культурных каштоўнасцяў па ўсім свеце.

У конкурсе могуць прымаць удзел беларускія няўрадавыя арганізацыі, установы культуры, музеі і г.д. Гранты выдзяляюцца на праекты ў такіх сферах як рэстаўрацыя гістарычных будынкаў; ацэнка і кансервацыя музейных калекцый; захаванне месцаў археалагічных раскопак; захаванне традыцыйных рамёстваў, песеннай і харэаграфічнай спадчыны, што знаходзяцца пад пагрозай знікнення; паляпшэнне ўмоваў захоўвання архіваў, манускрыптаў і дакументаў на мясцовых мовах.

Арганізацыям, зацікаўленым ва ўдзеле ў конкурсе, неабходна звярнуцца ў Аддзел інфармацыі, адукацыі і культуры Амбасады ЗША  па тэлефоне (017) 217-04-81 альбо на адрас afcp@usembassy.minsk.by і атрымаць для запаўнення электронную форму. Апошні тэрмін падачы заявак – 1 снежня 2009 г.

Візіт каардынатара праграм дапамогі Дзярждэпартамента ЗША

Заява абмасады ЗША
2 кастрычніка 2009 г.

З 30 верасня па 3 кастрычніка 2009 года ў Мінску з візітам знаходзіцца каардынатар праграм дапамогі краінам Еўропы і Еўразіі Дзярждэпартамента ЗША Дэн Розэнблюм. Мэтай ягонага візіту з’яўляецца агляд амерыканскіх урадавых праграм дапамогі, што ажыццяўляюцца ў Беларусі. Сп. Розэнблюм праводзіць сустрэчы з прадстаўнікамі беларускага ўрада, бізнес-колаў, палітычных партый і грамадзянскай супольнасці, каб пачуць іх меркаванні наконт сфераў прадастаўлення амерыканскай дапамогі Беларусі.

З моманту ўсталявання дыпламатычных адносін у 1992 годзе Злучаныя Штаты прадастаўлялі Беларусі дапамогу ў самых розных абласцях, уключаючы ахову здароўя, развіццё бізнесу і няўрадавы сектар.

Беларускія музыканты выступілі перад гасцямі амерыканскай выставы

Папулярны гурт “The Outsiders” выканаў славутыя джазавыя хіты на вечарыне джазу, арганізаванай амбасадай Злучаных Штатаў Амерыкі сумесна з Мінскай абласной публічнай бібліятэкай імя Пушкіна. Падчас вечарыны лідэр гурта Павел Аракелян не толькі спяваў і граў на саксафоне ды фартэпіяна, але і правяраў эрудыцыю слухачоў, задаючы ім пытанні па гісторыі джазавай музыкі. На мерапрыемстве, якое праходзіла ў межах двухтыднёвай выставы “Свет вітае паслоў джазу”, прысутнічала больш за 150 чалавек.

Выстава і праграмы, што праводзяцца ў яе межах, будуць праходзіць у бібліятэцы імя Пушкіна да 25 верасня. Дадатковую інфармацыю аб гэтых мерапрыемствах можна атрымаць па тэлефоне 8 0172 293-6924.

Памочнік Дзяржсакратара ЗША Філіп Гордан завяршыў візіт у Беларусь

Заява амбасады ЗША
14 жніўня 2009 г.

14 жніўня 2009 года Памочнік Дзяржсакратара ЗША па справах Еўропы і Еўразіі Філіп Гордан наведаў Мінск для правядзення сустрэч з прадстаўнікамі беларускіх уладаў  і шырокім колам лідэраў грамадзянскай супольнасці.

На сустрэчы з актывістамі палітычных партый і грамадзянскай супольнасці  Філіп Гордан яшчэ раз пацвердзіў адданасць Злучаных Штатаў захаванню правоў чалавека і дэмакратыі ў Беларусі. Падчас дыскусій з прадстаўнікамі беларускіх уладаў ён падкрэсліў імкненне ЗША надалей заахвочваць Беларусь да ўзаемных крокаў па паляпшэнні двухбаковых адносін. Філіп Гордан таксама правёў кансультацыі з амбасадарамі Еўразвязу аб агульнай пазіцыі ў дачыненні да Беларусі.

Программа обмена для профессионалов Community Connections

Community Connections – это трехнедельная программа в США, в ходе которой проходят визиты группы участников в американские организации сходного профессионального профиля для обмена опытом. Участники также получают уникальную возможность ознакомиться с американской культурой и жизнью в США. Отбор проводится на конкурсной основе по результатам анкет и собеседования. Знание английского языка для участия в программе не требуется.

Информация о программе (PDF, 184KB)