Акадэмічныя абмены

Праграма Фулбрайт

Праграма Фулбрайт на Беларусі, якая адміністрыруецца Аддзелам інфармацыі, адукацыі і культуры амбасады ЗША, накіроўвае беларускіх навуковых супрацоўнікаў і выкладчыкаў ва ўніверсітэты ЗША, а амерыканскіх - у беларускія вышэйшыя навучальныя ўстановы для чытання лекцый ці для даследчай працы на поўны альбо няпоўны навучальный год. Дакладная колькасць стыпендыятаў праграмы Фулбрайт у год залежыць ад узроўню фінансавання на дадзены час. Адабраныя кандыдаты атрымліваюць стыпендыю ад Урада ЗША на пражыванне ў Злучаных Штатах і на авіяпералёт. Заяўкі прымаюцца па наступных спецыялізацыях: міжнародныя зносіны, эканоміка, кіраванне ў вобласці адукацыі, журналістыка, права, сацыяльныя навукі (сацыялогія, паліталогія, гісторыя), метады выкладання англійскай мовы, амерыканістыка. Удзельнікі праграмы павінны добра ведаць англійскую мову,  мець як мінімум кандыдацкую ступень і асноўнае месца працы ў якасці выкладчыка ў адной з вышэйшых навучальных установаў Беларусі.

Удзельнікі адбіраюцца на конкурснай аснове, дзе разглядаюцца анкеты, вывучаецца прапанаваны праект, а таксама праводзіцца інтэрв’ю з удзелам Аташэ па пытаннях інфармацыі, адукацыі і культуры і амерыканскіх прафесараў. Конкурс для беларускіх стыпендыятаў звычайна абвяшчаецца ў верасні на пазіцыю ў любым семестры наступнага навучальнага года. Конкурс абвяшчаецца ў беларускіх сродках масавай інфармацыі, праз пісьмо ў вышэйшыя навучальныя ўстановы Беларусі, а таксама на гэтым сайце. Калі ваша кваліфікацыя адпавядае патрабаванням праграмы, пасля абвяшчэння аб правядзенні конкурсу вы можаце даслаць нам электроннае пісьмо аб вашым намеры ўдзельнічаць у праграме, і мы звяжымся з вамі пазней. Вы таксама можаце атрымаць бланк анкеты ў Аддзеле інфармацыі, адукацыі і культуры амбасады ЗША па адрасе: Мінск, вул. Герцэна, 2А Тэлефон: (017) 217-04-81, факс: (017) 211-03-84.