Праграмы і мерапрыемствы за 2008 год

Гурт Fox Trio выканаў у Мінску музыку амерыканскіх індзейцаў

Гледачы, уражаныя выступленнем трыо, пажадалі самі зайграць на музычных інструментах

Выступленне амерыканскага кампазітара, рэжысёра, перкусіяніста, пісьменніцы, выкладчыцы Стэйсі Фокс і яе трыо ў Белдзяржфілармоніі настолькі ўразіла гледачоў, што многія з іх не маглі ўтрымацца і пасля канцэрту пажадалі самі зайграць на экзатычных інструментах. На канцэрце Fox Trio можна было пачуць гукі вялікіх барабанаў амерыканскіх індзейцаў, традыцыйныя эскімоскія і тыбецкія матывы ў спалучэнні з рок-н-ролам і сучаснай музыкай. Стэйсі Фокс і яе трыо сталі першым амерыканскім гуртом, які выступіў у якасці спецыяльна запрошанага госця на чацвёртым штогадовым музычным фестывалі “Амбасовішча”, які ладзіцца ў рэзідэнцыі амбасадара ЗША. Падчас знаходжання ў Беларусі трыо таксама было запрошана на прыватную сядзібу, дзе амерыканскія госці зыгралі джэм-сэйшн з беларускімі фолк-музыкантамі.