Падтрымка дэмакратызацыі

Праграма малых грантаў амбасады ЗША

Незалежныя сродкі масавай інфармацыі і верхавенства закону/правы чалавека - гэта прыярытэтныя накірункі дзейнасці Праграмы малых грантаў.  Праграма зацікаўлена ў праектах, якія датычацца пабудовы дэмакратычных устаноў, падтрымкі грамадзянскай адукацыі, роўнасці жанчын, рэформаў заканадаўства і рынкавай эканомікі, з мэтай садзейнічання інтэграцыі Беларусі ў трансатлантычную супольнасць дэмакратычных краін.

Асаблівую цікавасць уяўляюць праекты, накіраваныя на развіццё незалежных сродкаў масавай інфармацыі: друкаваных, вяшчальных і электронных; развіццё незалежнай сістэмы распаўсюджвання недзяржаўнай прэсы; прафесійны рост журналістаў і кіраўнікоў рэдакцый; пашырэнне грамадскага ўсведамлення значнасці свабоды прэсы і ролі недзяржаўных сродкаў масавай інфармацыі ў перыяд пераходу да больш дэмакратычнага і рынкава-арыентаванага грамадства.
 
Камісія, якая разглядае пададзеныя заяўкі, складаецца з афіцыйных асобаў амбасады ЗША. У камісію на чале з Амбасадарам ЗША ўваходзяць намеснік кіраўніка місіі, аташэ па пытаннях інфармацыі, адукацыі і культуры, кіраўнік палітычнага аддзела і каардынатар праграм Агенцтва ЗША па міжнародным развіцці.

Заяўкі прымаюцца ад беларускіх грамадскіх арганізацый на адкрытай аснове.

Прыярытэты

Заяўкі мусяць:

- факусавацца на канкрэтнай мэце;
- уключаць працоўны план дасягнення мэты;
- уключаць падрабязнае абгрунтаванне таго,
  якім чынам праект будзе садзейнічаць
  умацаванню дэмакратычных
  каштоўнасцяў;
- быць сціплым па памерах;
- адлюстроўваць сапраўдны і разумны кошт
  выканання;
- уключаць крыніцы фінансавання.

Заяўкі ацэньваюцца паводле наступных крытэрыяў:

- патэнцыял для ўкладу ў развіццё
  прыярытэтных сфер;
- выканальнасць і фінансавая трываласць
  праекту;
- мінулы досвед паспяховай арганізацыі і
  выканання запланаванай дзейнасці;
- мінулы досвед працы з іншымі донарскімі
  арганізацыямі;
- уласны ўнёсак арганізацыі (удзел у
  выдатках).

Праекты, якія прадугледжваюць найбольшую колькасць карыстальнікаў, спрыяюць супрацоўніцтву з іншымі арганізацыямі і ўключаюць унёсак з іншых крыніцаў, маюць сур'ёзную перавагу.

Агульныя прынцыпы

Амерыканскія арганізацыі і асобы, а таксама арганізацыі і асобы трэціх краін не могуць атрымліваць гранты ў межах дадзенай праграмы.

Гранты не могуць выкарыстоўвацца для вядзення партыйнай ці палітычнай дзейнасці. Аднак, непартыйная адукацыйная ці інфармацыйная дзейнасць у галіне выбараў можа быць разгледжана.

Звычайна гранты выдаюцца аднаразова. Адзін і той жа праект не можа быць падтрыманы паўторна.

Адміністратыўныя выдаткі мусяць быць звязаныя з канкрэтнай дзейнасцю ў межах гранта, а не з агульнымі бягучымі выдаткамі.

Сродкі праграмы не павінны выкарыстоўвацца для аплаты замежных паездак.

Гранты на публікацыю друкаваных матэрыялаў мусяць апісваць іх планаваную аўдыторыю, змест і шляхі распаўсюджвання.

Гранты на правядзенне семінараў і трэнінгаў мусяць апісваць іх патэнцыйную аўдыторыю, змест і чакаемыя вынікі.

Усе заяўкі мусяць уключаць рэзюмэ асноўных удзельнікаў праекту.

Заяўкі мусяць падавацца на англійскай і беларускай (ці рускай) мове.

Пытанні, што задаюцца найбольш часта

Хто можа падаваць заяўкі?

Незалежныя сродкі масавай інфармацыі і беларускія недзяржаўныя арганізацыі. Урадавыя і міжнародныя арганізацыі, а таксама палітычныя партыі не могуць удзельнічаць у конкурсе.

Як падаць заяўку?

Формы заявак і інструкцыі можна знайсці тут. Папяровыя бланкі можна атрымаць у нашым офісе ў Мінску на вул. Герцэна 2а.

Якія тэрміны падачы заявак?

Заяўкі прымаюцца на працягу ўсяго года.

Як доўга працягваецца працэс разгляду?

Працяг разгляду можа быць розным, але ў сярэднім займае каля 3 месяцаў.

Што рабіць, калі ўзнікаюць пытанні падчас падрыхтоўкі заяўкі?

Звяжыцеся з нашым офісам наўпрост па телефоне (017) 211 0567. Нашы супрацоўнікі адкажуць на канкрэтныя пытанні і растлумачаць працэс падачы заяўкі.

У якой валюце мусіць складацца бюджэт?

Бюджэт мусіць складацца ў доларах ЗША і змяшчаць падрабязнае апісанне выдаткаў. Наўпрост звяжыцеся з нашым офісам, каб удакладніць памеры бюджэта.

Які максімальны тэрмін гранту?

Адзін год.

Кантактная інфармацыя

Адрас:

Аддзел інфармацыі, адукацыі і культуры
Амбасада ЗША, Мінск
вуліца Герцэна 2а
Мінск 220030

Тэлефон: (017) 211-0567

Факс: (017) 211-0384

Электронная пошта: DFSGP@usembassy.minsk.by

Вэб-старонка: http://minsk.usembassy.gov/

Каардынатар праграм: Шарлін Дэй