Праграмы і мерапрыемствы за 2007 год

У Беларусі выступіў калектыў сучаснага танца са Злучаных Штатаў Амерыкі

Канцэртнае выступленне амерыканскай трупы сучаснага балета Liss Fain Dance на сцэне Гродзенскага абласнога драматычнага тэатра 16 верасня стала яшчэ адным прыкладам паспяховага супрацоўніцтва паміж амбасадай ЗША і ўстановамі культуры ўсходняга рэгіёна Беларусі. Амерыканскія артысты з Сан-Францыска прадставілі гродзенскай публіцы еўрапейскую прэм’еру харэаграфічнага спектакля “Паводка”. Пастаноўка з’яўляецца сумеснай работай харэографа Ліс Фэйн, візуальнага дызайнера Мэцью Антакі і кінематаграфістаў Дру Такахашы і Рычарда Кізу-Блэра. У сваім звароце да гледачоў перад пачаткам канцэрта Асістэнт аташэ па пытаннях інфармацыі, адукацыі і культуры Эліз Уілсан адзначыла важнасць сумесных амерыкана-беларускіх праектаў у галіне культуры і выказала спадзяванне на далейшае супрацоўніцтва.Гродзенская публіка сустрэла выступленне амерыканскіх танцораў бурнымі апладысментамі.