Двухбаковыя адносіны

Славутыя амерыканцы беларускага паходжання

Мікалай Судзілоўскі

Ён нарадзіўся ў Магілёве ў 1850 годзе, меў некалькі адукацыяў і шмат падарожнічаў па свеце. Ягоная нязгода з афіцыйнай палітыкай царскай Расіі прывяла яго, пасля доўгіх вандраванняў па Еўропе, на Гавайскія астравы, дзе на пачатку 20-га стагоддзя ён узначаліў рух за незалежнасць ад Злучаных Штатаў. На кароткі тэрмін Судзілоўскі нават быў абраны прэзідэнтам гавайскага Сената. Памёр Мікалай Судзілоўскі ў Кітаі ў 1930 годзе.

Давід Сарноў

Давід Сарноў, які нарадзіўся ў Мінску ў 1891 годзе, лічыцца родапачынальнікам радыёвяшчання ў Амерыцы. Ён быў старшынёй Тэлеграфнай карпарацыі Марконі, затым - кіраўніком сусветна вядомай гуказапісваючай кампаніі “His Master’s Voice”. У час Другой сусветнай вайны ў якасці брыгаднага генерала Сарноў стаў дарадцай па камунікацыях генерала (а пазней - Прэзідэнта) Эйзенхаўэра. Давід Сарноў памёр у 1971 годзе.

Луіс Мейер

Луіс Б. Мейер (Лазар Мейер) нарадзіўся ў Мінску 4 ліпеня 1885 года. Ён лічыцца піянерам кінавытворчасці ў Галівудзе, адным з заснавальнікаў знакамітай студыі “Метро-Голдвін-Мейер”. У перыяд з 1924 па 1951 г. Мейер кіраваў магутнай кінаімперыяй, якая стварыла цэлы шэраг шэдэўраў класічнага кінематографа і падарыла свету незлічоную колькасць кіназорак.